БУККАСТ со АНДЕ Д. ЈАНКОВ С3Е2 Книга “РАВЕНКА НА СТРАВОТ” од Верица Мукоска

 


Автор и водител:
АНДЕ Д: ЈАНКОВ е роден во престапната 1988 година, (година на првиот компјутерски вирус и година кога фудбалската репрезентација на Холандија за последен пат освојува еден голем интернационален турнир – Европското првенство ’88), уште откако се сеќава за себе покажува интерес за пишаниот збор.
Голем дел од слободното време го поминува читајќи книги од домашната библиотека, со што и се рaѓа неговата љубов кон книжевноста.
Средното образование го завршува во гимназијата „Кочо Рацин” во Велес во 2007 година, по што образованието го продолжува на универзитетот „Св. Кирил и Методиј” во Скопје.
За време на неговите студии прв пат почнува да пишува кратки раскази.
Во јули 2014 година, му се пружа можност да помине две седмици на грчкиот остров Крит, во прекрасниот град Хања, каде и ја добива инспирацијата за да почне да го пишува својот прв роман.
Во септември 2015, романот „Едно лето на Крит” го освојува првото место на конкурсот „Романијада” во организација на издавачката куќа „Култура”.
Наредната година, 2016 (повторно престапна) во февруари, „Едно лето на Крит” ја доживува својата промоција, а првичните реакции на читателите се повеќе од охрабрувачки.
Во 2020 година, го издава својот втор роман, “Виенски Гамбит” во издание на издавачката куќа Антолог.

Гостин: ВЕРИЦА МУКОСКА (1999, Вевчани)
Читањето и пишувањето отсекогаш и било пасија, првите стихови започна да ги пишува уште во раните детски денови, а во 2009 година и е објавена првата нејзина стихозбирка “Стихови од срцето на природата“. Романот “Дневникот на длабоките тајни” (2017) е нејзино прво прозно дело. Дипломирала на Катедрата за македонска книжевност и јужнословенски книжевности. Присутна е со есеи и прилози во книжевната периодика.

Зборуваме за:
-Како да се стигне до целта, која таа и да е, преку философијата или уметноста?
-Колку љубовта влијае врз нашиот живот?
-Колку животот нè учи на надеж?
-Дали има нешто што вечно сјае?
-И можно ли е тоа?

MKD / EUR
EUR Евра