,,СУПЕР ВСЕЛЕНКО И РОДЕНДЕНСКАТА ТОРТА"
17.11.24 НЕДЕЛА,
Синдикална култура
13:00 Билет: 300 ден
“Супер Вселенко и роденденската торта” е детска интерактивна претстава која ја раскажува приказната од магичната шума каде што Еленот бизнисмен го вработува Супер Вселенко како доставувач на торти. Но Вселенко доаѓа од Месечината и се што сака е да си игра, па така, носејќи ја тортата до славиникот, ќе се заигра со дечињата и ќе ја заборави. Гавранот, кој постојано краде торти, ќе најде начин да ја украде. Низ интеракција, забава и многу помош од нашите другарчиња, Вселенко ќе успее да ја спаси тортата но и да ја дознае тајната на Гавранко!
Автор на текстот е Изабела Јакимова која го толкува ликот на Супер Вселенко, кој е популарен низ родендените во Скопје и пошироко. Изабела работи со детски претстави повеќе од шест години. А е особено позната меѓу младите со нејзината улова во ТВ серијата “ПЕТ ПЛУС” каде ја игра Алек. Таа е автор на најпопуларната новогодишна претстава “Каде е Рудолф?” која минатата година патуваше низ Македонија и наиде на огромен успех! Освен тоа е добитничка на Златна плакета за најдобра улога во краткометражниот филм “Донка”, како и најдобар актер за дуо драмата “Ожени ме” на фестивалот “Бранко Ѓорчев” во Неготино.
Изабела работи со деца со претходно смислен концепт.
Игрите и вежбите се создадени низ процесот на масгистерската која моментално ја завршува во Нови Сад, Србија. Освен забава, низ нејзините претстави, децата се едуцираат на најразлични теми, ја развиваат моториката како и комуникациските вештини.